लापिलाङ्गमा ख्रीष्टियन

लापिलाङ्गमा ख्रीष्टियन
–तुला थामी
नेपालमा धेरै प्रकारका धर्म मान्ने मानिसहरुको बसोबास छ । तिनीहरु आ–आफ्नै धार्मीक आस्थामा बाँचेका छन् । नेपालको अन्तरिम संविधानले सबैलाई धार्मीक स्वतन्त्रताको अधिकार पनि दिएको छ । अहिले नेपालमा ख्रीष्टियन धर्मको पनि विस्तार भइरहेको छ । शहर देखि गाउँ गाउँमा चर्चहरुको विस्तार भएको छ र ख्रीष्टियनहरुको संख्या पनि धेरै नै वृद्धि भइरहेको छ । यसरी नै अहिले दोलखा जिल्लामा पनि ख्रीष्टियनहरुको संख्या
बढिरहेको छ । दोलखा जिल्लाको सदरमुकाम चरीकोटबाट साता कोष उत्तरमा पर्ने लापिलाङ्ग गाविसमा वि.स. २०५० सालतिर एक दुइ जना मात्र विश्वासीहरु रहेकोमा २०६० सालदेखि ४–५ घर मिलेर घर घरमा संगति गर्न थालिएको हो । यसरी लापिलाङ्गमा ख्रीष्टियनहरुको संख्यमा वृद्धि हुँदै गएपछि वि.स. २०६४ सालमा आएर गाउँको बिचमा साधरण मण्डली भवनको निर्माण गरेर संगती गर्न सफल भएका थियौँ । भवन निर्माणपछि संगति गर्न, सेमिनार गर्न धेरै सहज बन्यो । सुसमाचार प्रचारमा पनि लापिलाङ्गको मण्डलीले काम गर्दै गयो र अहिले दुइ तला भएको ठूलो हल सहित छुटै बाल संगति, भान्सा कोठा, भण्डारण कोठा र दुइवटा अफिस कोठा सहितको मण्डली भवन निर्माण गर्न समेत सफल भएका छौँ । परमेश्वरलाई धन्यवाद भएको होस् ।