अनुरोधका अक्षरहरु

अनुरोधका अक्षरहरु
– आकाश थामी
मानिस मानिसमा द्धन्द तथा प्रतिशोध उत्पन्न
गराउनु भनेको बाइबलको दृष्टिकोणबाट घिनलाग्दो कुरा हो । हाम्रो समुदायमा रगतले रगतको निम्ती, हातले हातको निम्ति, शरीरले शरीरको निम्ति लडाइ गरिरहेको छ । आखिर
शरीरको जुनसुकै अंग भएपनि एउटै हो । आज यस्ता दुःख लाग्दो चुनौती हाम्रो समाजमा पहाड बनी अटल बनेको छ । त्यस्ता अन्धकारको पहाडलाई हटाउन सफल बोलावट बाइबलमा असिम रुपमा सत्य सावित गरिएको एक स्वर्ग र पृथ्वीकै शक्तिशाली हतियार धारण गरिएको छ । आजको संसारमा के तपाई संसारिक कुरामा भुलीरहनुभएको छ ? यदि त्यसो हो भने तपाईको नाम केही हदसम्म अमर हुन सक्छ तर तपाइलाई स्वर्गसम्मको मार्ग भने बन्द भएको छ । यसले तपाइको जीवनलाई संसारमै सिमित राखिदिएको छ । संसारको कुनै पनि शिक्षाले स्वर्गमा प्रवेश गराउन सक्दैन । आज विशेष गरी कम्यूनिष्ट पार्टीका नेताहरु किन ख्रीष्टियन बनेका छन् ? वैज्ञानिकहरु आइज्याक न्यूटन, डायोक्लियस, लर्ड केल्भिन, लुइ पाश्चर, जोहन केप्लर, रोबर्ड बोय, अल्बर्ट आइन्सटाइन, निकोलस, डेस्कार्टेसको, फराडे जस्ता वैज्ञानिकहरुले हरेक विज्ञानका केन्द्रविन्दु र आविष्कारको अस्तित्व परमेश्वर हुनुहुन्छ भनी ग्रहण गरेका पाइन्छ । संसारको शक्तिशालि राष्ट्रहरु, खेलाडि, नेता, कलाकार, व्यवसायी जस्ता व्यक्तित्वहरुले पनि ख्रीष्टलाई विश्वास गर्दछन् । के तपाइले यो कुरालाई कहिल्यै बुझ्ने प्र्रयास गर्नुभएको छ ?
पवित्र धर्मशास्त्र बाइबलमा लेखिएअनुसार येशू ख्रीष्ट संसारको ज्योति हुनुहुन्छ । ख्रीष्टमा विश्वास गरेपछि मात्र अनन्त मुक्ति प्राप्त हुन्छ । यदि तपाई स्वर्ग जान चाहनुहुन्छ भने प्रभु येशू ख्रीष्टलाई आज नै विश्वास गर्नुहोस् र यो प्रमाणित गर्नको लागि सबै धर्म शास्त्र पढे पनि बाइबलसँग तुलना
गरेर पढ्नुहुन अनुरोध छ ।